Yevropa Ittifoqi ta'lim yarmarkasi
Yevropa universitetlari vakillari bilan shaxsan muloqot qilish imkoni
- 367
- 0
- Oʻzbek tili, rus tili, ingliz tili
- Bepul
Tashkilotchi: European Union in Uzbekistan
Oʻtkazilish sanasi: 3, 5, 7-aprel
Manzil: Toshkent, Samarqand, Namangan
Ko‘rgazma Yevropa Ittifoqining ta’lim muassasalari va tashkilotlari vakillarini birlashtiradi, hamda tashrif buyuruvchilar - talabalar, abituriyentlar, ularning ota-onalari va o‘qituvchilar uchun akademik ta’lim bo‘yicha turli takliflar bilan tanishishga ajoyib imkoniyat yaratadi.
Mazkur tadbirni o‘tkazishda Oliy ta’lim, fan va innovatsiyalar vazirligi, Yoshlar siyosati va sport vazirligi, Kambag‘allikni qisqartirish va bandlik vazirligi, shuningdek, O‘zbekiston oliy o‘quv yurtlari hamkorlik qiladi va tashkiliy ko‘mak beradi.
Yevropa Ittifoqi taʼlim ko‘rgazmasi 2023 tashrif buyuruvchilarga Yevropa Ittifoqidagi eng mashhur universitet va ta’lim muassasalari vakillari bilan uchrashish va muloqot qilish uchun noyob platformani taklif etadi. Bu yerda siz ushbu muassasalar tomonidan taklif etilayotgan turli kurslar, oʻquv dasturlari va stipendiyalar haqida maʼlumot olishingiz, viza olish, qabul tartiblari va oʻqishning boshqa muhim jihatlari haqida xabardorligingizni oshirishingiz mumkin. Shuningdek, taʼlim sohasidagi soʻnggi tendensiyalar va ishlanmalar haqida foydali maʼlumotlarga ega boʻlish uchun yetakchi akademik ekspertlarning axborot sessiyalari va taqdimotlarida ishtirok etish mumkin.
Yevropa Ittifoqi taʼlim ko‘rgazmasi 2023 yoshlarning chet elda o‘qishga bo‘lgan qiziqishini qo‘llab-quvvatlash va ularga kelajakdagi muvaffaqiyatli karyera garovi bo‘lgan to‘g‘ri ta’limni topishga yordam berishga qaratilgan.
Ushbu ko'rgazmada ishtirok etish uchun quyidagi havola orqali ro'yxatdan o'tish talab etiladi.
Kategoriya
TreningYoʻnalishlar
© Oʻzbekiston va xorijdagi tadbirlar, tanlovlar, tadbirkorlar mahorat darslari va yoshlar forumlari
Email: info@effort.uz