IGNITE — bu o‘quvchilar tomonidan tashkil etilgan amaliy fanlar oromgohi bo‘lib, ilmga qiziqqan va darsliklardan tashqarida haqiqiy tajriba orttirishni istagan o‘quvchilar uchun mo‘ljallangan.
Dastur davomida ishtirokchilar biologiya, kimyo va fizika yo‘nalishlarida turli xil amaliy tajribalar, jamoaviy musobaqalar va muammolarni yechish jarayonlarida qatnashadilar. Bu esa ularga tanqidiy fikrlash, jamoada ishlash va o‘z salohiyatini namoyon etish imkonini beradi.
IGNITE turli hududlardan kelgan o‘quvchilarni birlashtiradi hamda laboratoriya imkoniyatlari cheklangan maktablar uchun ham amaliy fanlarni yaqinlashtiradi.
Shuningdek, ishtirokchilar uchun sovrinli musobaqalar tashkil etiladi va g‘oliblar mukofotlanadi. Boshqa hududlardan kelgan o‘quvchilar uchun bepul yotoqxona (dormitory) taqdim etiladi.